Təyyarə qəzasında həlak olan liderlər - SİYAHI

Dünyanın müxtəlif yerlərində baş vermiş təyyarə qəzalarında həlak olanlar siyahısında sadə vətəndaşlarla yanaşı böyük siyasi liderlərə də rast gəlinir.

Liderlərin təyyarələri bir qayda olaraq konstruktiv baxımdan standart versityalardan fərqlənir. Lakin bu təyyarələrin də qəzaya uğraması istisna edilmir.

Lent.az indiyədək təyyarə qəzasında ölən liderlərin siyahısını təqdim edir:

- BMT-nin isveçli baş katibi Daq Yalmar Hammarşeld Konqoya gedərkən təyyarə qəzaya uğrayıb. 18 sentyabr 1961-də baş verən bu qəzada Konqonun da vəzifəli şəxsləri həlak olub.

- 1969-cu ildə Boliviyada baş verən aviaqəzada prezident Pene Barrentos Ortunyo həlak olub.

- 1971-ci ildə Monqolustan səmasında baş verən qəzada Mao Tse Dunun ehtimal edilən sələfi Lin Byao həlak olub. Ehtimala görə, qəzada Çin xüsusi xidmət orqanlkarının əli olub.

- Ekvador prezidenti Hayme Roldos Aqilera 24 mayu 1981-ci ildə təyyarə qəzasında həyatını itirib. Qəzanın səbəbləri araşdırılmayıb.

- 19 oktyabr 1986. Mozambik prezidenti Samor Maşeli daşıyan TU 134 Zimbabve ilə sərhəddə qəzaya uğrayır. Qəzaya səbəb kimi CAR-ın xüsusi xidmət orqanlarının diversiyası göstərilir.

- 17 avqust 1988-ci ildə göyərtəsində Pakistan prezidenti general Ziya ül Həqq Muhəmməd və ABŞ səfiri olan Hercules-130 qəzaya uğrayıb. Bütün heyət həlak olub.

- 6 aprel 1994. Göyərtəsində Burundi prezidenti Kiprien Natriamira və Ruanda prezidenti Juvenal Haberimananı daşıyan təyyarə Zairdə ZRK vasitəsilə vurulub. Hadisəni tutsi qruplaşması və ya Zair xüsusi xidmət orqanlarının törətməsi ehtimal edilir.

- 15 fevral 2001-ci ildə təyyarə qəzasında Çad prezidenti administrasiyasının rəhbəri Əbdürrəhman Dadi və iqtisadi inkişaf naziri Əli Əhməd Lamine həlak olub.

- 12 noyabr 2001. Kurortdan qayıdan Nepal şahzadəsi Prekşyanın vertolyotu qəzaya uğrayıb, Qəzada şahzadə və 6 ekipaj üzvü həlak olub.

- 26 fevral 2004-də Makedoniya prezidenti Boris Trakovski Beech Aircraft markalı təyyarədə həlak olub.

- 2005. Sudanın vitse prezidenti Con Haraq 31 iyulda təyyarə qəzasında həlak olub

Nəhayət,

- 2010-cu il aprelin 10-da Polşa prezidenti Lex Kaçinski, həyat yoldaşı və Polşanın siyasi elitasına daxil olan şəxslər Rusiyada Tu-154 təyyarəsində qəzaya uğrayıblar. Təyyarənin göyərtəsində olan 96 nəfərdən heç biri xilas ola bilməyib...

Vüqar Ələsgərov.