Abdulla Öcalan: “ABŞ məni öldürəcək”
08 aprel 2010 15:00 (UTC +04:00)

Abdulla Öcalan: “ABŞ məni öldürəcək”

Mart ayında Avropanın müxtəlif ölkələrində PKK terror təşkilatına qarşı əməliyyatlar aparılan zaman terror təşkilatının lideri Abdulla Öcalanın vəkilləri ilə görüşdə diqqət çəkən təlimatlar və tövsiyələr verdiyi məlum olub.

Lent.az-ın Türkiyə mətbuatına istinadən verdiyi məlumata görə, Abdulla Öcalan deyib ki, “Roj TV” artıq ABŞ və NATO-nun təsirində olmayan ölkələrdə yayılsın.

PKK lideri öldürüləcəyini də söyləyib: “Mən ABŞ tərəfindən öldürüləcəyəm, siz başınızın çarəsinə baxın. ABŞ-ın PKK-ya ehtiyacı qalmadı. Bu, BDP-nin təmsilçilərinin bəzi səfirlərlə keçirdiyi görüşlərdən də anlaşılır. Avropada PKK-ya qarşı əməliyyatlar məqsədli şəkildə həyata keçirilib. Artıq son nöqtə qoyuldu”.

Abdulla Öcalan özünün və PKK-nın artıq məsələnin çözümünə hazır olduğunu dilə gətirib: “PKK-ı məhv etmək planı gündəmdədir. ABŞ-ın əli hər yerə çatır, hər an mən öldürülə bilərəm. PKK-nın məhv edilməsi planına qarşı heç bir şey edə bilmərəm. Artıq məni yox bilin. Məsud Bərzani və Cəlal Tələbani gücsüzdür, amma onları bizə qarşı qaldırmağa çalışırlar”.
# 414

Oxşar yazılar