Qadının bank hesabına 88 milyard dollar köçürüldü
01 aprel 2010 15:30 (UTC +04:00)

Qadının bank hesabına 88 milyard dollar köçürüldü

Bir anda milyarder olan qadın bazarlıq etmək üçün pul tapmır


ABŞ-ın Virciniya ştatında yaşayan Stefanie Hikman bu gün səhər alış-veriş etmək fikrinə düşüb.


Lent.az-ın Amerika mətbuatına istinadən verdiyi məlumata görə, qadın yolüstü bankomatda hesabını yoxlayarkən şoka düşüb. Məlum olub ki, onun hesabında 88 milyard dollar var. Bu pulu xərcləmək yerinə Stefanie əri ilə birgə hesabının olduğu “SunTrust” bankını arayıb. Ancaq bank işçiləri bu pulun hesaba necə köçdüyünü və vəziyyəti necə yoluna qoyacaqlarını açıqlaya bilməyiblər. Bank işçiləri çıxış yolunu müvəqqəti olaraq Stefanie Hikmanın hesabını gələn həftənin birinci gününə qədər dondurmaqda görüblər.


Stefanie isə bu vəziyyətdən narazı qalıb: “Demirəm ki, 88 milyard dollar bizimdir. Ancaq bu pulun ən azı 150 dolları bizimdir və biz indi bu puldan da istifadə edə bilmirik. Biz bu həftəni pulsuz keçirmək məcburiyyətində qalmışıq”.

“SunTrust” bankı problemi çözməyə çalışdığını açıqlayıb.
# 641

Oxşar yazılar