4 yaşlı qızını zorlayan ata azadlığa buraxıldı

Bədnam ata “sexomania” xəstəliyindən əziyyət çəkir

Belçikada arvadından boşanmış 30 yaşlı şəxs dostları ilə spirtli içki içdikdən sonra 4 yaşlı qızı ilə eyni otağa yatmağa gedib.

Lent.az-ın internethaber.com saytına istinadən verdiyi məlumata görə, qız atasını gecə yuxudan oyandırıb, tualetə getmək istədiyini bildirərək qapını açmasını istəyib.

Ata isə qapını açmaq əvəzinə qızını zorlayıb. 4 yaşlı qız başına gələni nənəsinə danışıb və nənə də polisə üz tutub. Nəticədə ata həbs edilib.

Məhkəmədə adı açıqlanmayan ata bildirib ki, qızı “Ata mənəm! Mənəm!” deyən zaman yuxudan oyanıb. Bədnam ata deyib ki, o, yuxuda olarkən lunatik kimi cinsi tələbatını ödəmək üçün hərəkət edir və bu zaman nə etdiyindən xəbəri olmur: “Özümə gəlib, nə olduğunu gördükdə yerin dibinə girdim. Mən nə etdiyimin fərqində olmamışam”.

Atanın vəkili də həmin şəxsin yuxu problemi olduğunu və qızın anası ilə yaşadığı dövrlərdə də yuxuda onunla cinsi əlaqəyə girdiyini söyləyib: “O, səhər qızı ilə nə yaşadıqlarını xatırlamır. Çox üzüldü, ancaq edə biləcək bir şey yoxdur. "Sexomania" çox nadir rast gəlinən bir xəstəlikdir, bənzər şəkildə öz qızına təcavüz edən başqa bir ata da olub”.

Ata məhkəmə zalından azadlığa buraxılıb. Qızın anası isə şoka düşüb. O hesab edir ki, bu, uşaqlara qarşı cinsi təcavüz edənləri həvəsləndirəcək.