Öcalan: “PKK silahı yerə qoya bilər...”

"Abdulla Öcalan nəzarət altında azadlıqda yaşayarsa, savaş bitər"

PKK terror təşkilatının lideri Abdulla Öcalanın qardaşı Osman Öcalan terror təşkilatının silahı yerə qoymağa hazır olduğunu bəyan edib.

Lent.az-ın Türkiyə mətbuatına istinadən verdiyi məlumata görə, Osman Öcalan deyib ki, PKK savaş yolu ilə Türkiyənin cənub-şərqində dövlət qura bilməyəcəyini anlayıb.

Osman Öcalan bildirib ki, bu səbəbdən PKK üzvləri liderləri Abdulla Öcalanın azadlığa çıxması şərti ilə silahı buraxacaq: “Abdulla Öcalan həbsxanadan azad edilib, nəzarəti altında azadlıqda yaşayarsa, Türkiyəyə terror problemi 3-5 ay ərzində bitəcək. PKK sıralarında heç kəs buna qarşı çıxmayacaq”.