10 yaşlı uşaq zorladığı körpəni öldürüb

Qatil uşaq 8 illik həbsdən sonra azadlığa buraxılıb

Günümüzdə İngiltərədə 17 il əvvəl, 10 yaşında olarkən 2 yaşlı Cames Bulqeri qaçıraraq zorlayan və sonra öldürüb meyitini dəmiryoluna atan Venabes ictimaiyyətin əsas müzakirə mövzusudur.

Lent.az-ın İngiltərə mətbuatına istinadən verdiyi məlumata görə, İngiltərə məhkəməsi 17 il əvvəl 2 yaşlı körpəyə qarşı vəhşiliyinə görə bu şeytan uşaq haqqında 18 il həbs cəzası çıxarıb.

Ancaq sonradan Venabesin yetkinlik yaşına çatmadığını əsas götürən məhkəmə onun cəzasını 8 ilə endirib və 8 illik məhbəs həyatı başa çatandan sonra adı dəyişdirilərək gizli şəkildə azadlığa buraxılıb. Azadlığa çıxdıqdan sonra narkoman və içki düşkününə çevrilən Venabesi təqib edən polislər onun kompüterində uşaq porno görüntüləri tapıblar.

Uşaq qatili yenidən həbs olunub. İngiltərə mətbuatı və cəmiyyəti isə belə bir şəxsin gizli şəkildə azadlığa buraxılmasına etiraz edir, onun yenidən uşaqlara qarşı cinsi təcavüz həyata keçirərdisə, bunun məsuliyyətini onu gizli adla azadlığa buraxanlar olacağını vurğulayır.