ABŞ Gürcüstanda radiolokasiya stansiyası qurdu
03 mart 2010 16:00 (UTC +04:00)

ABŞ Gürcüstanda radiolokasiya stansiyası qurdu

Stansiya 500 min dollara başa gəlib


ABŞ dəniz sularının mühafizəsi və dənizdə qanunsuz fəaliyyətlərin qarşısının alınması üçün Gürcüstanda bir radiolokasiya stansiyası qurub.

Lent.az-ın Gürcüstan mətbuatına istinadən verdiyi məlumata görə, bu barədə ABŞ-ın Tiflisdəki səfirliyi açıqlama yayıb.

Açıqlamada qeyd olunur ki, Acarıstan Muxtar Respublikasının Gonio bölgəsində qurulan radiolokasiya stansiyası Gürcüstanın təhlükəsizliyinin qorunmasında böyük rol oynayacaq. Bu radiolokasiya stansiyasının qurulması üçün 500 min dollar xərclənib.

Son 10 ildə Gürcüstan sərhədlərinin qorunması proqramı çərçivəsində ABŞ bu ölkəyə 150 milyon dollar yardım ayırıb. Bundan əvvəl ABŞ tərəfindən Anakliya, Supsa və Çakvi bölgələrində 3 radiolokasiya stansiyası qurulub.
# 273

Oxşar yazılar