Qardaşı oğlu 14, bibi isə 10 il iş aldı
03 mart 2010 11:00 (UTC +04:00)

Qardaşı oğlu 14, bibi isə 10 il iş aldı

Perm məhkəməsi Azərbaycandan Prikamyeyə həşiş gətirən cinayətkar qrupun üzvlərinə iş kəsib. Lent.az-ın “RİA Novosti” agentliyinə istinadən verdiyi məlumata görə, cinayətkar qrupun dörd üzvünə 14, 10, 6,5 və 6 iş verilib.

Narkotiklərə nəzarət Federal Xidmətinin məlumatına görə, Azərbaycan vətəndaşı, 46 yaşlı Nəzakət Baxşıyeva 2009-cu ilin martında qardaşı oğlunun tapşırığı ilə Azərbaycanda 20 kiloqram İran həşişi əldə edib və onu qaçaqmal yolu ilə Rusiya ərazisinə keçirib. Rusiya narkopolisinin əməkdaşları onun hərəkət istiqamətini izləyərək qadını həbs ediblər. Baxşiyeva istintaq zamanı hansı yükü apardığını bilmədiyini, qardaşı oğlu Arif Qarayevin ondan qara kürü gətirməsini xahiş etdiyini bildirib.

Həşişin Rusiya ərazisində satılmasını Rusiya vətəndaşları Nadejda Rusetskaya və Valentina Qaripova təşkil ediblərmiş. Qaripova Arif Qarayevə məxsus köşkdə satıcı işləyirmiş.

Cinayətkar dəstənin üzvləri konspirasiya qaydalarına riyaət edirlərmiş. Məsələn, onlar həşişi “fındıqlı şokolad”, “Alpin Qold”, “Kit-Kat”, “analiz” adlandırırlarmış. Danışıqlar azərbaycanca aparılırmış. Baxşiyeva, Rusetskaya və Qaripova məhkəməyə qədər ancaq Qarayevi tanıyıblar və öz aralarında tanış olmayıblar.

Məhkəmə cinayətkar qrupun başçısı Arif Qarayevə 14 il, Nəzakət Baxşiyevaya 10 il iş kəsib. Rusetskaya 6,5 il, Qaripova isə 6 il iş alıb.
# 454

Oxşar yazılar