İkinci Dünya Müharibəsində qadın izi tapıldı

Böyük Britaniyanın “Mi-5” kəşfiyyat qurumu İkinci Dünya Müharibəsinin başlanğıcında bir keçmiş rus balerinası sayəsində Hitler Almaniyasının böyük qələbə qazandığını sübut edən sənədləri üzə çıxarıb.

Lent.az-ın “Rosbalt” agentliyinə istinadən verdiyi məlumata görə, faşistlərlə əməkdaşlıq edən balerinanın xidməti sayəsində müharibənin gedişində faktiki məğlub duruma düşmüş Almaniya Böyük Britaniya və Fransanın birləşmiş qüvvələrini məğlub edib, Fransa ərazisi işğal olunub.

Marina Li adı ilə tanınan bu xanım Norveçi azad etməyə hazırlaşan Böyük Britaniya və Fransa birləşmiş qüvvələrinin qərargahına sızmağı və faşistlərə məxfi sənədləri ötürməyi bacarıb. Nəticədə bu kampaniyanın gedişində faktiki məğlub duruma düşmüş Almaniya müttəfiqlərə qalib gəlib. Böyük Britaniyanın həmin vaxt baş naziri olan Nevill Çemberlen postunu tərk etmək məcburiyyətində qalıb, onu Uinston Çörçill əvəzləyib.

1 il sonra Marina Li Madriddə peyda olub və Almaniya pasportu ilə yaşayıb Məxfi sənədlərə görə, müttəfiqlər əleyhinə casusluq müqabilində hər ay ona 5 min marka ödənilib. Marina Linin sonrakı taleyi məlum deyil. “Mi-5” güman edir ki, sonradan həmin xanım SSRİ kəşfiyyatı ilə əməkdaşlığa başlayıb. Sənədlər təsdiqləyir ki, o, Stalin və SSRİ-nin digər yüksək rütbəli şəxsləri ilə dostluq edib.