Ana üç yaşlı oğlunu işgəncəylə öldürdü

Rusiyanın Leninqrad vilayətində yeddiaylıq hamilə qadın üç yaşlı övladını öldürməkdə təqsirli bilinərək həbs edilib. Lent.az-ın yerli KİV-ə istinadən verdiyi məlumata görə, hadisə zamanı sərxoş olduğu müəyyənləşdirilən Svetlana Artyuşina icazəsiz bal yediyi üçün oğluna işgəncə verib, onu döyüb. Nəticədə uşaq ölüb.

Bölgə milis idarəsindən “Ria Novosti”yə bildirilib ki, ana oğlunu hamama salaraq qapını bağlayıb. Qabda qalan balın hamısını yeməyi uşaqdan tələb edən Artyuşina onun tualetə getməsinə də icazə verməyib.

Sərxoş ana uşağın altını islatdığını görərək daha da əsəbləşərək onu döyüb və başını yerə vurub.
Vəhşi ananın etdikləri bununla da bitməyib. O, vannaya soyuq su dolduraraq oğlunu ora salmaqla da cəzalandırıb.
Hadisə barədə ilk olaraq qonşular xəbər tutub. Onlar mənzilədən uşaq çığırtısını eşitdikdən sonra həm məsələyə müdaxilə edib, həm də milisə zəng vurublar.

Xəstəxanaya aparılan üç yaşlı oğlanı isə həkimlər xilas edə bilməyib, o gözlərini əbədi olaraq yumub.

Vəhşi ananı 15 il həbs cəzası gözləyir.