Ermənistanın sabiq baş naziri bədbindir

“Ermənistan iqtisadi böhranın məngənəsindən çıxa bilməyəcək”

“Ermənistanın geniş və köklü dəyişikliklərə ehtiyac var, əks təqdirdə ölkə iqtisadi böhranın məngənəsindən çıxa bilməyəcək”.

Lent.az-ın “panarmenian.net” saytına istinadən verdiyi məlumata görə, bunu Ermənistanın sabiq baş naziri, Azadlıq Partiyasının sədri Qrant Baqratyan söyləyib.

O bildirib ki, dünya ilə müqayisədə Ermənistan iqtisadi böhranın təsirinə 8 dəfə çox məruz qalıb: “Bunun əsas səbəblərindən biri hökumətin şirkətləri çoxmərtəbəli elitar binaların tikintisinə həvəsləndirə bilməməsidir. Belə binalarda mənzillər satılmır və yaxın 5 ildə də vətəndaşlarda maliyyə resursları baxımından çatışmazlıq olduğu üçün satılmayacaq”.