Polis şöbəsi soyulub
08 yanvar 2010 18:30 (UTC +04:00)

Polis şöbəsi soyulub

Binanı növbətçi polislər qoruyurlarmış...

Türkiyənin Bursa bölgəsində Yıldırım rayon polis şöbəsi və icra hakimiyyətinin yerləşdiyi bina soyğunçuların hədəfi olub.

Lent.az-ın Türkiyə mətbuatına istinadən verdiyi məlumata görə, bu gün səhər saatlarında işə gələn polis işçiləri və icra hakimiyyətinin əməkdaşları pəncərələrin açıq olduğunu görüblər.

Araşdırma zamanı məlum olub ki, binada polis şöbəsinin fəaliyyət göstərdiyi mərtəbədəki yemək otağından LCD televizor oğurlanıb. Soyğunçular yol polislərinin otağına girmək istəsələr də, seyf qapını aça bilməyiblər. Məsələnin qəliz tərəfi odur ki, bu binada hər gecə polis növbətçiləri qaldığından müşahidə kamerasının quraşdırılmasına ehtiyac olmayıb.
# 709

Oxşar yazılar