«O, 70 yaşında idi, mənsə 13»

Türkiyənin ən başlıca problemlərindən biri qızların həm erkən yaşda, həm də razılıqları olmadan ərə verilmələridir.

Lent.az-ın Türkiyə «NTV»-sinə istinadən məlumatına görə, qızların 72 faizinin razılığı olmadan evləndirilir, 30 faizi isə gələcək həyat yoldaşının üzünü yalnız toy gecəsi görür.

Diyarbakır Böyükşəhər Bələdiyyəsi Qadın problemləri Araşdırma Mərkəzinin apardığı araşdırma zamanı çox maraqlı nəticələr əldə edilib.

Mərkəz 7 ayda 300 qadın arasında üz-üzə görüşüb. Aparılan araşdırmaya əsasən, onların 73 faizi savadsızdır. «Uşaq gəlinlərin» 91 faizinin çoxuşaqlı ailədən çıxıdığı məlum olub. Belə ailələrdə uşaqların sayı 9-dan çoxdur.

«İlk gecə xəstəxanya düşdüm. O, 70 yaşında mən isə 13 yaşında idim. Uşaqları ilə birlikdə mən də ona «ata» deyirdim. Sonra günüm ona öz adı ilə müraciət etməyi öyrətdi» - bu, «uşaq gəlinlərin» başlarına gələn olaylara bir örnəkdir.