İstanbulda Leonardo da Vinçinin körpüsü tikiləcək

Türkiyədə Leonardo da Vinçinin çəkdiyi layihə ilə körpü inşa ediləcək. Körpü İstanbulda Qızıl Buynuz körfəzi üzərində tikiləcək.

Xariici informasiya vasitələrinin məlumatına əsasən, tikilinin ölçüləri italiyalı sənətkar tərəfindən hazırlanmış layihəyə uyğun olacaq. Ancaq uzunluğu 220 metr, hündürlüyü 25 metr, eni isə 10 metrə çatacaq körpü müasir texnikanın köməyi ilə tikiləcək.

Yerli hakimiyyət planı təsdiq etsə də, tikintinin başlanma vaxtı müəyyənləşdirilməyib.
Beynəlxalq mütəxəssislər qrupu tərəfindən 3 ilə hazırlanan plan sponsorların hesabına maliyyələşdiriləcək.

Leonardo da Vinçinin körpü layihəsi 1502-ci ilə aid edilir. Osmanlı sultanı II Bəyazid bu plan əsasında körfəz üzərində körpü inşa etdirmək qərarına gəlsə də, o zaman layihə uyğun gəlməmişdi.

500 il keçdikdən sonra italiyalı sənətkarının ideyasına Norveçdə müraciət etmiş və 2001-ci ildə Osloda Leonardo körpüsünün kiçik forması inşa edilib. Bundan sonra Türkiyədə əsl layihəni gerçəkləşdirmək qərara alınıb.