Sakinləri ən çox cinsi əlaqədə olan ÖLKƏLƏR

Aparıcı seksual sağlamlıq şirkəti olan "Lovehoney" yeni araşdırmasında hansı ölkələrin daha çox sekslə məşğul olduğunu açıqlayıb.

Lent.az xarici KİV-ə istinadən xəbər verir ki, tədqiqatda təxminən 22.000 insan iştirak edib.

Mütəxəssislər test subyektlərini qruplara bölüb və adi 10 ballıq şkala ilə onların cinsi istəyinin gücünü təhlil ediblər. Məlum olub ki, “qızıl” reytinq Honq-Konqa düşüb, orada əhali arasında libidonun orta səviyyəsi 7,16-dır. Asiyanın bəzi bölgələrində seksin mental mövzusunu nəzərə alsaq, bu, çox yaxşı göstərici hesab olunur.

Alimlərin fikrincə, bu, Honq-Konq əhalisinin seks, intim ehtiyac və istəklərlə bağlı söhbətlərə daha açıq olduğunu göstərir.

"Honq-Konqdakı qadınların cinsi əlaqəyə olan maraqlarını sərbəst şəkildə müzakirə etmələri və qadın cinsiyyəti ilə bağlı köhnə fikirlərdən əl çəkmələri gözəldir", - araşdırmada deyilir.

“Bürünc” reytinq Tayvana, “gümüş” isə Avstraliyaya verilib. Sonrakı yerdə Sinqapur və Yeni Zelandiya gəlir. Yaponiya isə orta hesabla 4,73 cinsi əlaqə ilə sonuncu yerdədir. Araşdırmanın müəllifləri İsrailin adını çəkməyiblər.

Avropa ölkələri ayrı qrupda idi. Məlum olub ki, ən çox cinsi aktiv əhali İtaliya, İspaniya, Fransa, Böyük Britaniya və Almaniyadadır.

Maraqlıdır ki, ən asan həyəcanlanan qrup 25-34 yaş arası insanlar olub. Onlardan sonra 35-44 yaş qrupu gəlir.