Məşhur futbolçu nişanlısı ilə doğulub böyüdüyü adada evlənməyi planlaşdırır.
Ötən il avqustun 11-də məşhur portuqaliyalı futbolçu Kriştiano Ronaldo doqquz illik görüşdən sonra sevgilisi, 32 yaşlı model Corcina Rodriqesə evlilik təklifi edib və ona ekspertlərin 5 milyon dollar dəyərində qiymətləndirdiyi nəhəng brilyant üzük hədiyyə edib.
Lent.az-ın xarici mediaya istinadən xəbərinə görə, dəbdəbəli şənliyin 2026-cı il Dünya çempionatından dərhal sonra baş tutacağı barədə şayiələr doğru görünür. Cütlük futbolçunun doğma adası Madeyrada, 512 illik Funşal katedralında xristian ənənəsinə uyğun olaraq evlənəcəklər. Məkan bir səbəbdən seçilib: Kriştianonun doğulduğu şəhər xəstəxanasından cəmi 1,5 mil və uşaqlıqda oynadığı komandalardan biri olan “Nasional da Madeyra”nın məşq meydançasından üç mil məsafədədir.
"The Sun" qəzeti həmçinin toyun həftəsonuna, avqustun 8-nə planlaşdırıldığını və məclisin beşulduzlu "Savoy Palace" otelində keçirilməsinin planlaşdırıldığını bildirib. Mənbə bildirib ki, "oteldəki qonaqlara iki mərtəbənin, eləcə də bir neçə bar zonasının cümə və şənbə günləri bağlı olacağı bildirilib".
Xatırladaq ki, Ronaldo və Rodriqes 2016-cı ildə Madriddəki Gucci butikində tanış olublar. Rodriqes orada işləyib. Hazırda onlar birlikdə beş uşaq böyüdürlər. Rodriqes onlardan ikisinin - qızları Alana Martina və Bella Esmeraldanın bioloji anasıdır. İdmançının əkizləri Eva və Mateo surroqat ana vasitəsilə dünyaya gəlib, böyük oğlu 16 yaşlı Kristianonun anası isə məlum deyil.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
