Bill Qeyts milyonerin dul arvadı ilə sevişir – İDDİA

“Microsoft”un baş direktoru Bill Qeyts bu yaxınlarda arvadı Melindadan boşanıb və Paula Herd ilə münasibətdə olub.

Lent.az-ın xarici mediaya istinadla xəbərinə görə, o, “Oracle”ın mərhum baş direktoru Mark Herdin dul arvadıdır.

"Onlar ayrılmazdırlar. Artıq bir ildən çoxdur ki, birlikdədirlər və onu həmişə "sirli qadın" adlandırırlar, lakin onların yaxın ətrafına sirr deyil ki, onların romantik münasibəti var", - mənbələrdən biri iddia edir.

Bildiyiniz kimi, Paulanın əri 2019-cu ilin oktyabrında onkoloji xəstəlikdən dünyasını dəyişib. Onun 62 yaşı var idi.

Qeytsin yeni sevgilisinin 60 yaşı var. O, tədbir təşkilatçısı və xeyriyyəçidir.

Cütlük Avstraliyanın Melburn şəhərində keçirilən Avstraliya Açıq çempionatında kişilər arasında keçirilən təkbətək finalda iştirak edərək artıq ictimaiyyətin diqqətini cəlb edib.

Xatırladaq ki, ər-arvad Qeyts 27 illik evlilik həyatından sonra 2021-ci il mayın 4-də boşanacaqlarını elan ediblər. Qısa müddətdən sonra bir neçə nüfuzlu nəşr dərhal yazıb ki, bu nikahın pozulmasının səbəblərindən biri Qeytsin yetkinlik yaşına çatmayanları cinsi istismar məqsədilə alver etməkdə təqsirli bilinən xeyriyyəçi Ceffri Epşteynlə əlaqələri olub.