213
22:15
28 Yanvar 2011

Barak Obama 1 saatdan çox tıxacda qalıb

Yanvarın 27-də ABŞ-ın şimal-şərqində yağan güclü qar Nyu-York, Filadelfiya və Boston aeroportlarında mindən çox təyyarə reysinin ləğv edilməsinə səbəb olub. Lent.az -ın “newizv.ru” saytına istinadən verdiyi məlumata görə, təkcə Vaşinqtonda 300 mindən çox insan elektrik enerjisi təchizatından məhrum olub.


Vaşinqton yollarında uzun tıxaclar yaranıb. Evinə gedən Barak Obama da 1 saatdan çox tıxacda gözləməli olub. Güclü qar yağması səbəbindən prezident vertolyotdan istifadə edə bilməyib.


Qarın qalınlığının 30-50 santimetrə çatdığı Nyu-Yorkda şəhər meri Maykl Blumberq isə şəhərdə xüsusi vəziyyət rejimi elan edib. Qar təmizlənməsi prosesinə mane olan avtomobillər texnika vasitəsi ilə məcburi ərazidən uzaqlaşdırılacaq və bununla bağlı xərci həmin avtomobilin sahibi ödəməli olacaq.