taxi
18:32 26 noyabr 2020

“Windows 10” sistemində “Android” proqramları işə salınacaq

“Microsoft” korporasiyasında “Windows 10” masaüstü əməliyyat sisteminin yeni funksiyası üzərində işlənilir. Bu haqda öz mənbələrinə istinadən “Twitter”də insayder Zak Bouden məlumat verib.

Lent.az xəbər verir ki, əməliyyat sistemi “Android” platformasının idarəetməsi altında işləyən qurğular üçün yaradılmış proqramları işə salmaq imkanı əldə edəcək. Proqram təminatı “Microsoft Store” onlayn proqramlar mağazasında yerləşdiriləcək, seçim isə 2021-ci ildə əlçatan olacaq.

İndi “Windows 10” əməliyyat sistemində “Your Phone” mobil tətbiqi vasitəsilə “Android” sistemi ilə işləyən smartfonlardan proqramları translyasiya etmək imkanı var. Ancaq istifadəçilər sözügedən proqram təminatındakı çoxsaylı natamamlıqlardan şikayət edirlər, həmçinin o, “Samsung” şirkətinin “Galaxy A”, “Galaxy S” və “Note” istehsal xətlərindən olan bəzi smartfonları dəstəkləyir. / “ICTnews”

# 823
avatar

Oxşar yazılar