İmişlidə müalicə aldıqları ünvanı tərk edən COVID-19 xəstələri barədə qanunamüvafiq tədbirlər görülüb.
DİN Mətbuat Xidmətinin Bərdə regional qrupundan Lent.az-a verilən məlumata görə, İmişli rayon Polis Şöbəsinin əməkdaşlarının həyata keçirdiyi tədbirlər nəticəsində 2 nəfər rayon sakini – E.Qəhrəmanov və P.Hüseynov koronavirus pandemiyasına yoluxmaqlarına baxmayaraq, yaşadıqları ünvanı tərk edərək karantin rejiminin tələblərini kobud şəkildə pozduqları müəyyən edilib.
Həmin şəxslər rayon ərazisində polis əməkdaşları tərəfindən saxlanılıb və müalicə aldqıları müvafiq ünvanlara aparılıb.
Faktla bağlı İmişli rayon Polis Şöbəsinin İstintaq Bölməsində hər iki şəxs barəsində cinayət işi başlanılıb.