İsrail və BƏƏ aviasiya əlaqəsi və vizasız rejim haqqında sazişlər imzaladı

İsrail və Birləşmiş Ərəb Əmirlikləri (BƏƏ) arasında hava əlaqəsi, vizasız rejim, investisiyaların qorunması, həmçinin elm və texnologiya sahəsində əməkdaşlığa dair ikitərəfli sazişlər imzalanıb.

"APA-Economics"in TASS-a istinadən verdiyi məlumata görə, sənədlər hər iki ölkənin nümayəndələri tərəfindən Təl-Əvivin Ben Qurion hava limanında İsrailin Baş Naziri Binyamin Netanyahu, ABŞ-ın Maliyyə naziri Stiven Mnuçin və BƏƏ-nin Maliyyə naziri Obeyd bin Humeyda ət-Tayerin iştirakı ilə imzalanıb.