Hikmət Hacıyev: "Fransalı jurnalistin hesabatı muzdluların erməni tərəfdən döyüşdüyünü sübut edir"

Fransalı jurnalist öz hesabatında Qarabağda ordumuza qarşı döyüşən ermənilər arasında muzdluların olduğunu bildirib.

Lent.az xəbər verir ki, bu barədə Azərbaycan prezidentinin köməkçisi Hikmət Hacıyev özünün rəsmi "twitter" hesabında məlumat verib:

"Fransalı jurnalistin hesabatı mülki vətəndaşlara hücum edən Ermənistan Silahlı Qüvvələrinin sıralarında muzdlu döyüşçülərin olduğunu sübut edir. Bu baxımdan Fransanı Azərbaycanı ittiham etmək əvəzinə Ermənistanın təxribatlarını dayandırmaq üçün səy göstərməyə çağırırıq".