Azərbaycanda 47 məktəb istifadəyə veriləcək

Yeni tədris ilinin əvvəlində Təhsil Nazirliyinin təmir-tikinti işləri yekunlaşdırdığı 47 məktəb binası şagirdlərin istifadəsinə veriləcək.

Lent.az -a nazirlikdən verilən məlumata görə, onlardan 8-i yeni tikilən, 5-i əsaslı təmir olunan, 34-ü isə modul tipli məktəbdir. 2020-ci ilin sonuna kimi Təhsil Nazirliyi tərəfindən təmir-tikinti işləri yekunlaşdırılmış 100-ə yaxın məktəb binası şagirdlərin istifadəsinə veriləcək, onlardan 60-ı modul tipli məktəbdir.