1465
11:39
17 Avqust 2020

Havanı çirkləndirən idarənin məmuru cəzalandı

Dövlət Ekoloji Təhlükəsizlik Xidmətinin əməkdaşları Xızı rayonu, Giləzi qəsəbəsində fəaliyyət göstərən 1 saylı Yol İstismarı İdarəsinə məxsus asfalt-beton qurğusundan atmosferə normadan artıq tullantı atıldığını aşkar edib.

Xidmətdən Lent.az -a verilən məlumata görə, faktla bağlı idarənin məsul şəxsi Hidayət Rzayev barəsində protokol tərtib edilib və o, 2500 manat məbləğində cərimə olunub.

Təmizləyici qurğunun quraşdırılması üçün idarəyə icrası məcburi olan “məcburi göstəriş” verilib”.