17:26
17 İyul 2020

Könüllü olaraq orduda xidmət etmək istəyən vətəndaşlara RƏSMİ MÜRACİƏT

Səfərbərlik və Hərbi Xidmətə Çağırış üzrə Dövlət Xidməti könüllü olaraq orduda xidmət etmək istəyən vətəndaşlara müraciət edib.

Dövlət Xidmətindən Lent.az -a verilən məlumata görə, bu gündən Xidmətin www.seferberlik.gov.az saytında https://exidmet.seferberlik.gov.az/Volunteer/ keçid vasitəsilə öz müraciətlərini elektron qaydada həyata keçirə bilərlər.

Azərbaycan Respublikası Nazirlər Kabineti yanında Operativ Qərargah tərəfindən koronavirus (COVID-19) pandemiyasının yayılmasının qarşısını almaq və insanların sağlamlıq təhlükəsizliyini təmin etmək məqsədilə müəyyən olunmuş tələblərə əməl edilməsi, respublikamızda və xaricdə yaşayan vətəndaşların rahatlıqlarının, müraciət imkanlarının daha əlçatanlığının, həmçinin çoxsaylı vətəndaş müraciətlərinin qeydiyyatının operativliyinin təmin olunması üçün Səfərbərlik və Hərbi Xidmətə Çağırış üzrə Dövlət Xidməti yeni elektron xidmət istifadəyə verib.

Qeyd edək ki, Azərbaycan-Ermənistan dövlət sərhədinin Tovuz rayonu istiqamətində Ermənistan silahlı qüvvələrinin törətdiyi təxribatla əlaqədar Xidmətin aparatına, yerli idarə, şöbə və bölmələrinə könüllü olaraq cəbhə bölgəsinə gedərək döyüşmək və lazımi köməklik göstərmək istəyən vətəndaşlarımız tərəfindən çoxsaylı müraciətlər daxil olmaqdadır.

Dİgər xəbərlər