
Mətbuat Şurası jurnalistin ölümü ilə bağlı nekroloq yaydı

Mətbuat Şurası 82 yaşında vəfat edən jurnalist, "Xalq qəzeti"nin keçmiş əməkdaşı Firudin Fəsulovun ölümü ilə bağlı nekroloq yayıb.
Lent.az xəbər verir ki, nekroloqda deyilir:
"Azərbaycan jurnalistikasına ağır itki üz verib. Qocaman jurnalist, “Xalq qəzeti”nin keçmiş əməkdaşı Firudin Rəsulov uzun sürən xəstəlikdən sonra 82 yaşında vəfat edib. Ömrünün 50 ildən çoxunu milli mətbuatımıza xidmətdə keçirmiş Firudin Yusif oğlu Fəsulov zəngin, mənalı həyat və yaradıcılıq yolu keçib.
Tanınmış jurnalist 1938-ci ildə Qərbi Azərbaycanın Zəngibasar mahalının Zəngilər kəndində anadan olub. 1962-ci ildə Bakı Dövlət Universitetini jurnalistika ixtisası ilə bitirən gənc və istedadlı qələm sahibi “Abşeron” qəzetində müxbir, şöbə müdiri, məsul katib vəzifələrində işləyib.
1969-cu ildə respublikanın avanqard mətbu nəşri olan “Kommunist” qəzetinə (indiki “Xalq qəzeti”) işə dəvət edilən təcrübəli jurnalist canlı jurnalistika məktəbi sayılan bu redaksiyada uzun illər məsul katibin müavini, ədəbi işçi, müxbir, şöbə müdiri, bölgə müxbiri vəzifələrində çalışıb. Onun Dağlıq Qarabağ üzrə xüsusi müxbir olarkən qəzetdə çap olunmuş məşhur “Topxana harayı” yazısı tarixə “Milli dirçəliş günü” adı ilə düşmüş 17 Dekabr meydan hadisələrinin başlanmasına siqnal olub.
Firudin Rəsulov 1992-1994-cü illərdə “Həyat” qəzetinin şöbə müdiri, sonra isə baş redaktoru vəzifələrində çalışıb. Tanınmış jurnalist müstəqil Azərbaycanın Mətbuat və İnformasiya Nazirliyinin kütləvi informasiya vasitələri idarəsinin redaktoru olub. Həmkarımız sonrakı illərdə fəaliyyətini “Azərsu” ASC-də davam etdirib.
Firudin müəllim Azərbaycan Mətbuat Şurası Ahıl Jurnalistlər Məclisinin qurucularından biri olub, ölkənin media həyatında yaxından iştirak edib.
Peşəkar jurnalist, yurdsevər ziyalı və xeyirxah insan Firudin Rəsulovun əziz xatirəsi onu tanıyanların qəlbində daim yaşayacaq.
Allah rəhmət eləsin!".

Oxşar yazılar

Azərbaycanda universitet müəllimi koronavirusdan vəfat etdi
17 yanvar 2021 , 23:49
“Evlərimiz hər an, hər dəqiqə uça bilər” - "57 yaşlı" yataqxananın sakinləri-FOTO
17 yanvar 2021 , 16:47
Koronavirus statistikası: 845 sağalma, 322 yoluxma, 11 ölüm
17 yanvar 2021 , 16:06
Ünvanlı sosial yardım necə təyin edilir? - Nazirlikdən CAVAB-VİDEO
17 yanvar 2021 , 14:07
Həftənin ilk iş günü hava necə olacaq? - PROQNOZ
17 yanvar 2021 , 11:49
Dünyada bu gün-VİDEO
17 yanvar 2021 , 09:05
Şəhər və rayonlara giriş-çıxışa hansı şərtlərlə icazə veriləcək? - RƏSMİ AÇIQLAMA
16 yanvar 2021 , 19:20
Azərbaycanda son sutkada koronavirusa 402 yoluxma qeydə alındı
16 yanvar 2021 , 17:12