1423
04:16
30 May 2020

Bakıda piyadanı vurub qaçan sürücü saxlanıldı - YENİLƏNİB


Bakının Nizami rayonunda piyadanın ağır xəsarət alması ilə nəticələnən qəzanın bəzi detalları məlum olub.

Rayonun 8-ci kilometr qəsəbəsində, "Kainat" restoranının yaxınlığında 1997-ci il təvəllüdlü Aslanlı Ümman Şahin oğlu yolun piyadalar üçün nəzərdə tutulmayan hissəsindən yolu keçmək istəyib.

Bu zaman hərəkətdə olan "BMW" markalı avtomobil onu vurub.

Ağır vəziyyətdə 3 saylı şəhər xəstəxanasına çatdırılan Ü.Aslanlı daha sonra özəl xəstəxanaların birinə aparılıb.

Nizami Rayon Polis İdarəsinin əməkdaşları hadisəni törədən sürücünü saxlayıb.

***

00:12

Bakının Nizami rayonunda yol-nəqliyyatı hadisəsi zamanı bir nəfər ağır xəsarət alıb.

APA xəbər verir ki, hadisə “8-ci kilometr” bazarının qarşısında qeydə alınıb.

1997-ci il təvəllüdlü Aslanlı Ümman Şahin oğlu yolun piyadalar üçün müəyyən edilməmiş hissəsindən keçərkən onu minik avtomobili vurub.

Sürücü hadisə yerindən yayınıb. Yaralı ağır vəziyyətdə 3 saylı şəhər xəstəxanasına yerləşdirilib.

Xəstəxananın həkimlərinin APA -ya verdiyi məlumata görə, yaralının vəziyyəti stabil-ağırdır.