3198
19:26
29 Mart 2020

Koronavirusdan ölənlərin dəfni barədə qayda varmı?

Koronavirusdan ölən şəxslərin dəfninin necə həyata keçirilməsi ilə bağlı çoxlu sayda suallar, məlumatlar açıqlanır. Sosial şəbəkələrdə bununla bağlı bir sıra ölkələrdə xüsusi qaydaların olması haqda ziddiyyətli məlumatlar verilir.

e-tibb.az xəbər verir ki, Tibbi Ərazi Bölmələrini İdarəetmə Birliyi (TƏBİB) bununla bağlı sosial şəbəkədə məlumat paylaşıb. Məlumata əsasən, koronavirusdan ölənlərin dəfni ilə əlaqədar xüsusi tədbirlərə ehtiyac yoxdur.

TƏBİB-in Cənub ərazi bölməsi üzrə koordinatoru, infeksion xəstəliklər üzrə mütəxəssis Fərrux Sədirov deyib ki, koronavirusdan həyatını itirən şəxslərin dəfni ilə əlaqədar xüsusi tədbirlərə ehtiyac olmadığı Ümumdünya Səhiyyə Təşkilatının tövsiyələrində də yer alır.