Bu gün Bakıda keçiriləcək UEFA Avropa Liqasının qrup mərhələsinin "Qarabağ"-"Düdelanj" oyunu ilə bağlı metronun iş qrafikində dəyişiklik edilib.
Bu barədə Lent.az-a "Bakı Metropoliteni" Qapalı Səhmdar Cəmiyyətinin mətbuat xidmətinin rəhbəri Bəxtiyar Məmmədov məlumat verib. O bildirib ki, qarşılaşmanı arenadan canlı izləyəcək tamaşaçılar 00:30-a qədər metropolitenin "Gənclik" stansiyasına daxil ola və qatarlarla mənzil başına çata bilərlər:
"Qeyd edim ki, digər stansiyaların girişi adi iş vaxtı qaydası ilə saat 00:00-da bağlanacaq".