Sumqayıtda bədbəxt hadisə: 9 yaşlı uşaq öldü

Sumqayıtda piyada ölümü ilə nəticələnən yol qəzası baş verib.

Lent.az -ın məlumatına görə, Bakı şəhəri, Xətai rayon sakini 1994-cü il təvəllüdlü Rəşidli Nahid Nəsrullah oğlu idarə etdiyi “Merdeces GLA 250” markalı avtomobillə Sumqayıt şəhəri 17-ci mikrorayonda yolu keçən piyada 2010-cu il təvəllüdlü Musayev Elmir Emil oğlunu vurub. Nəticədə azyaşlı Sumqayıt Şəhər Təcili Tibbi Yardım Xəstəxanasına yerləşdirilsə də, aldığı xəsarətlərdən orada ölüb.

Hadisə yerinə baxış keçirilib, meyit müayinə olunması üçün Sumqayıt şəhər meyitxanasına göndərilib.

Faktla bağlı Sumqayıt Şəhər Polis İdarəsində Cinayət Məcəlləsinin 263.2-ci maddəsi ilə cinayət işi başlanılıb, istintaq davam edir.