911
16:29
22 Noyabr 2019

Qudalar əlbəyaxa oldu: yaralı var

Gədəbəydə döyülmə hadisəsi baş verib.

APA-nın yerli bürosunun məlumatına görə, hadisə rayonun Dar Yurd kəndində qeydə alınıb. Kənd sakini, 1960-cı il təvəllüdlü Atabəy Əliyev müxtəlif bədən xəsarəti ilə Gədəbəy rayon Mərkəzi Xəstəxanasına yerləşdirilib.

Xəstənin yaxınların sözlərinə görə, A.Əliyev qudası tərəfindən döyülüb.

Hadisə ilə bağlı polisə məlumat verilib.

Faktla bağlı Gədəbəy rayon Polis Şöbəsində araşdırma aparılır.