Bakı Nəqliyyat Agentliyi soyuq hava ilə bağlı tədbirlərə başladı

Bakı Nəqliyyat Agentliyi (BNA) havaların soyuması ilə əlaqədar bir çox kəskin respirator infeksion xəstəliklərin yayılması ehtimalının artmasını nəzərə alaraq qabaqlayıcı tədbirlərə başlayıb.

Bu barədə Lent.az -a BNA-nın mətbuat xidmətindən məlumat verilib. Bildirilib ki, bu çərçivədə Koroğlu Nəqliyyat Mübadilə Mərkəzində dezinfeksiya işləri görülüb. Perronlar, gözləmə zallar və park ərazisi xüsusi dərman məhlullardan istifadə olunmaqla dezinfeksiya edilib. Sərnişinlərin narahatlığına səbəb olmamaq üçün işlər gecə saatlarında aparılıb.

Qeyd edək ki, mövsümlə əlaqədar olaraq əhalinin sıx toplaşdığı qapalı ərazilərdə dezinfeksiya tədbilərinin aparılması xüsusi əhəmiyyət kəsb edir. Bunu nəzərə alaraq analoji işlərin hər həftə aparılması planlaşdırılır.