Messi 4 aydan sonra milliyə qayıtdı, qol vurdu və…

Argentina millisi Braziliya ilə yoldaşlıq oyununda 1:0 hesabı ilə qalib gəlib.

Lent.az xarici KİV_ə istinadla xəbər verir ki, oyunda yeganə qolu 13-cü dəqiqədə “Barselona”nın hücumçusu Lionel Messi vurub. Əlavə edək ki, 10-cu dəqiqədə Braziliya millisinin hücumçusu Qabriel Jezus onbirmetrlikdən yararlana bilməyib. Üstündən 3 dəqiqə keçəndən sonra Lionel Messi də onbirmetrlik cərimə zərbəsini dəqiq yerinə yetirməyib.

Qeyd edək ki, Messi son 4 ayda ilk dəfə milli komandanın heyətində oyuna çıxıb. 32 yaşlı hücumçu sonuncu dəfə iyulun 6-da Amerika Kubokunda 3-cü yer uğrunda Çiliyə qarşı oyunda (2:1) Argentina millisinin heyətində oynamışdı.