"Almaniyadan ölkəmizə çarter reysi ilə 61 nəfər Azərbaycan Respublikası vətəndaşı evlərinə yola salınıb".
Bu barədə APA-ya Dövlət Miqrasiya Xidmətinin İctimaiyyətlə Əlaqələr Şöbəsinin rəisi Elnur Kələndərov deyib.
O, həmin şəxslərin hamısının evlərinə getdiyini bildirib.
***
11.55
Almaniyadan Azərbaycana 61 nəfər Azərbaycan vətəndaşı geri qaytarılıb.
Bu barədə Lent.az-a məlumat Azərbaycan Dövlət Miqrasiya Xidmətinin İctimaiyyətlə Əlaqələr İdarəsindən verilib.
Bildirilir ki, “Azərbaycan Respublikası ilə Avropa İttifaqı arasında icazəsiz yaşayan şəxslərin readmissiyası haqqında” sazişin icrası çərçivəsində noyabrın 14-də Almaniyadan Azərbaycana çarter reysi ilə 61 nəfər Azərbaycan vətəndaşının readmissiyası (geri qaytarılması) həyata keçirilib. Onların 22 nəfəri kişi, 18-si qadın, 21-i uşaq olub.
Readmissiya olunan Azərbaycan vətəndaşlarını Dövlət Miqrasiya Xidmətinin əməkdaşları qarşılayıb.