Ana azyaşlı uşaqları ilə itkin düşdü - YENİLƏNİB

“Faktla bağlı hər hansı məlumatımız yoxdur”

Bunu Lent.az -a “Megafun” əyləncə mərkəzinin marketinq şöbəsindən bildiriblər. Şöbədən, müştərilərlə hər hansı qeydiyyat aparılmadığı və onlardan heç şəxsiyyət vəsiqəsi belə tələb olunmadığı üçün bu kimi hadisələrlə bağlı məlumatsız olduqları deyildi.

Bakı Şəhər Baş Polis İdarəsindən verilən məlumata görə isə hazırda Lamiyə Əlizadə və iki azyaşlı uşağının axtarışı üçün əməliyyat tədbirləri davam edir

saat: 10:40

Bakıda ana azyaşlı övladları ilə birlikdə itkin düşüb.

Lent.az trend-ə istinadən bildirir ki, Bakı şəhər sakini, 27 yaşlı Əlizadə Lamiyə Allahverən qızı 9 yaşlı oğlu Emil Məmişov və qızı, 6 yaşlı Günay Məmişova ilə birlikdə oktyabrın 24-də yaşadığı evdən çıxıb "Megafun" Əyləncə Mərkəzinə gedib. L.Əlizadə əyləncə mərkəzində həyat yoldaşı ilə danışaraq paytaxtın Nərimanov rayonu ərazisində yaşayan bacısıgilə gedəcəyini bildirsə də, ora getməyib.

Faktla bağlı araşdırma aparılır.