İran vətəndaşını Bakı gömrüyündə aldatdılar

Bakıda İran vətəndaşına qarşı dələduzluq edilib.

Lent.az -ın məlumatına görə, İran İslam Respublikasının vətəndaşı 1988-ci il təvəllüdlü Sayyad Hesam Faurafrali oğlu Nizami Rayon Polis İdarəsinin 23-cü Polis Bölməsinə aldadılması ilə bağlı müraciət edib. O, müraciətində cari ilin avqustun 28-də Qaradağ rayonunda yerləşən Bakı şəhər Baş Gömrük İdarəsində 1984-cü il təvəllüdlü Seyidov Şərəfli Rəşadlıkişi oğlunun onu aldadaraq 50.000 manat dəyərində kondisioner ehtiyat hissəsi aldığını, pulunu ödəməyərək ona qarşı dələduzluq etdiyini bildirib.

Müraciət əsasında Nizami Rayon Polis İdarəsinin 23-cü Polis Bölməsində araşdırma aparılır.