857
19:56
25 Oktyabr 2019

Ofisdə işləyənlər gələcəkdə belə olacaqlar - VİDEO

Avropa alimləri 20 il və daha artıq əlverişsiz şəraitdə çalışan ofis işçisinin obrazını modelini hazırlayıblar.
Lent.az xarici KİV-ə istinadla bildirir ki, onlar Fransa, almaniya və Böyük Britaniyanın 3 min ofis işçisi arasında sorğu keçiriblər. Bu zaman onların iş şəraiti, sağlamlıq vəziyyəti ilə maraqlanıblar. Toplanan cavablar əsasında tədqiqatçılar Emma adlı qadının modelini hazırlayıblar.
Monitor qarşısında çox zaman keçirən Emmanın gözləri qızarıb. Onun dərisinin rəngi sağlam olmayıb, ona görə ki, qadın vaxtının çoxunu süni işıqlandırma şəraitində keçirir.
Emma demək olar hər zaman stol arxasında oturduğundan onun varikozu yaranır, taliyə və bud nahiyəsində artıq çəkilər olur, hətta bir balaca donqar və beli əyilmiş vəziyyətə düşür.
Bundan əlavə, qadının əlləri və ayaqları şişirlər.
“Ofis əməkdaşları gələcəkdə sənaye inqilabı vaxtında olduğu kimi gələcəkdə sağlamlıqla bağlı daha güclü problemdən əziyyət çəkə bilərlər”, - tədqiqatçılar söyləyirlər.
Onlar işverənləri ofisdə şəraiti yaxşılaşdırmağa çağırırlar.