Maşından oğurluq edən və maşın qaçıranlar tutuldular

Binəqədi rayon Polis İdarəsi 7-ci Polis Bölməsi əməkdaşlarının keçirdikləri əməliyyat tədbiri nəticəsində Bakı şəhər sakini S.Həsənova məxsus “Mercedes” markalı avtomobildən maqnitofon və 2 ədəd yaddaş kartı oğurlamaqda şübhəli bilinən Bakı şəhər sakini, əvvəllər məhkum olunmuş E.Süleymanov saxlanılıb.

Lent.az -a Daxili İşlər Nazirliyindən verilən məlumata görə, Nəsimi rayon Polis İdarəsi 19-cu Polis Şöbəsi və Abşeron rayon Polis İdarəsi əməkdaşlarının birgə keçirdikləri əməliyyat-axtarış tədbirləri nəticəsində oktyabrın 17-nə keçən gecə Nəsimi rayonu ərazisindən V.Eyvazova məxsus “Kia” markalı avtomobili qaçırmaqda şübhəli bilinən Gəncə şəhər sakini N.İsmayılov, Bakı və Xırdalan şəhər sakinləri olan 2 yeniyetmə avtomobillə birgə Abşeron rayonu ərazisində saxlanılıblar.