İkinci Dünya müharibəsindən qalan bomba tapıldı
15 avqust 2019 16:48 (UTC +04:00)

İkinci Dünya müharibəsindən qalan bomba tapıldı

Moskvada Kremlin ərazisində İkinci Dünya müharibəsindən qalan bomba tapılıb.
 
APA-nın Moskva bürosunun verdiyi xəbərə görə, bu barədə Kremlin komendantı general-leytnant Sergey Xlebnikov məlumat verib.
 
Onun sözlərinə görə, aviasiya bombası Kremlin ərazisində torpaq bərkidilən zaman aşkar edilib: "Çar dövründə həmin yerdə buzxana yerləşib. Orada hidroizolyasiya üçün torpağı qazıblar".
 
Kremlin komendantı bombanın zərərsizləşdirildiyini və məhv edilməsi üçün aparıldığını söyləyib.  
 
Qeyd edək ki, 1941-ci ilin 10-11 avqust tarixlərində İkinci Dünya müharibəsi zamanı atılan bombalardan biri Kremlin Nikolskaya qülləsinin yanına düşüb.
# 497
avatar

Oxşar yazılar