597
19:45
01 Avqust 2019

Bu həftə mənzərəli meteor yağışı gecə səmasını işıqlandıracaq

Bu həftə Yer sakinləri möhtəşəm astronomik fenomenin şahidi olacaqlar.

Lent.az dünya mətbuatına istinadən xəbər verir ki, astronomların sözlərinə görə, "Perseid" meteor axını gecə səmasını bəzəyəcək.

Bu səma şousu 2-4 avqust tarixlərində başlayacaq və ayın 11, 12 və 13-də ən yüksək səviyyəyə çatacaq.

NASA meteor mütəxəssisi Bill Kuk bildirib ki, kosmik hadisə səmada bir saat ərzində təxminən 60-70 sayda “düşən ulduz” kimi təzahür edəcək və Şimal yarımkürəsində aydın müşahidə ediləcək. Ötən illərdə isə bu rəqəm 200-ə bərabər olub.

Qeyd edək ki, "Perseid" meteor yağışı hər il yayın sonuna qədər müşahidə olunur.