“Moody's” beynəlxalq reytinq agentliyi Azərbaycanda 2020-ci ilin sonuna qədər problemli kreditlərin payının 10%-dən aşağı düşəcəyini proqnozlaşdırır.
“Moody's”dən “APA-Economics”ə verilən məlumata görə, bankların balanslarının təmizlənməsi və ev təsərrüfatlarının dövlət tərəfindən dəstəklənməsi sayəsində bank sektorunun aktivlərinin keyfiyyətinin daha da yaxşılaşacağı gözlənilir.
Verilən məlumata əsasən, kredit xərclərinin azalması ilə bankların gəlirliliyi artacaq.
“Təkmilləşmələr ümumi xarakter daşıyacaq və bu da müxtəlif bank qrupları arasında gəlirlilik üzrə mövcud olan əhəmiyyətli fərqi azaldacaq”, - deyə agentliyin məlumatında qeyd edilib.
Agentliyin ilkin ssenarisinə əsasən, bankların mənfəətinin artması və risklərlə ölçülmüş aktivlərin çoxalması sayəsində Azərbaycanda bank sisteminin kapital kifayətliliyi göstəriciləri bütövlüklə stabil olacaq.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
