Ləzzətli "Moxito"nu belə hazırlayın - Usta öz sirlərini açır: Lent.az-ın mətbəxi

Lent.az -ın mətbəxi layihəsində növbəti yazımızı təqdim edirik.

Bu dəfə sizi sosial şəbəkədə “RJ Yaqut” adı ilə məşhur olan səhifəyə istinadla “Moxito” resepti ilə tanış edəcəyik.

Tərkibi:

Laym (yaşıl limon) və ya limon, bal, nanə, qazlı su, buz.

Hazırlanma qaydası:

Laym (və ya limon) doğranılır, üzərinə nanə və ağız dadına uyğun olaraq bal tökülür. Taxta alətlə sıxaraq qarışdırılır (məhz taxta ilə, çünki dəmir qaşıqlar C vitaminini parçalayır). Üzərinə qazlı su töküb (“Sprite” azca şirin olduğu üçün daha yaxşı olur), buz əlavə edirik.

Qeyd edək ki, içkini alkoqolla hazırlamaq istəyənlər, yazılanlardan əlavə 60 ml ağ rom əlavə edərək, ev şəraitində “Moxito”nu hazırlaya bilərlər.

Nuş olsun!