130 mindən çox müəllim müasir məzmunlu təkmilləşdirmə və ixtisasartırmaya cəlb olunub

"Son illər məktəblərimizdə internetin gücləndirilməsi, internet təminatı və müasir avadanlıqla təchizatla yanaşı, İnformatika fənninin tədrisinin məznun baxımından təkminləşdirilməsi Təhsil Nazirliyinin qarşısında duran prioritet məsələlərdən biridir".

APA -nın xəbərinə görə, bunu “Rəqəmsal bacarıqlar” layihəsi çərçivəsində keçirilən tədbirdə Təhsil nazirinin müavini Məhəbbət Vəliyeva deyib. O bildirib ki, bu məqsədlə bir çox layihələr həyata keçirilib: "Amma müxtəlif qısa müddətli layihələr bu sahədə uğurların əldə edilməsinə kömək etmir. Bu islahatlar arasında əsas amil kadr hazırlığı məsələsidir ki, son illərdə 130 mindən çox müəllim məhz müasir məzmunlu təkmilləşdirmə və ixtisasartırmaya cəlb olunub. Bu gün Azərbaycanın bütün məktəblərində yalnız informatika müəllimləri deyil, ixtisasından asılı olmayaraq müəllimlərin hamısı informasiya texnologiyalardan istifadə edirlər".