Şəbnəm Tovuzlu ilə bağlı yeni qalmaqal: "Kimsədən qorxum yoxdur"

MAQAZİN

Ana səhifə
MAQAZİN

18:22 27 iyun 2016

Şəbnəm Tovuzlu ilə bağlı yeni qalmaqal: "Kimsədən qorxum yoxdur"

Bir müddətdir adı qalmaqallı hadisələrdə hallanan müğənni Şəbnəm Tovuzlu haqqında yeni ittiham irəli sürülüb.

Lent.az bildirir ki, moderator.az saytında onun rayonların birinin icra başçısı ilə sevgili olduğu haqda xəbər yayılıb. Məlumatda qeyd olunur ki, bu icra başçısı əvvəllər musiqiçi olub, toylarda sintezator ifaçısı kimi çıxış edib və ailəlidir.

Şəbnəm Tovuzlu qafqazinfo-ya açıqlamasında adını icra başçısı ilə hallandıranlara sərt şəkildə cavab verib: “Ötən həftə canlı yayımda demişdim ki, bəzi rekert jurnalistlər məni hədəf seçirlər. Bu da dediklərimin sübutudur. Onlar şər və iftira dolu xəbərlər yazmaqla reytinq əldə etməyə can atır. Görün bu sifarişli yazılar yazan necə savadsızdır ki, hansısa icra başçısını keçmiş sintezator ifaçısı kimi qələmə verir. Xəbərin ən gülməli yeri məhz budur. Əgər əllərində fakt varsa, ad açıqlasınlar.

Kimsədən qorxum yoxdur. Və utanacaq heç bir hərəkət də etməmişəm. O, dırnaqarası jurnalisti Allaha tapşırıram. Müqəddəs Ramazan ayında şayiə yaymağın özü də bir günahdır. Heç olmasa bu ayda günah etməkdən çəkinsinlər”.