Telefon, kompüter və ya televizor qarşısında həddindən artıq vaxt keçirmək uşaqların və yeniyetmələrin ürək-damar sağlamlığına mənfi təsir göstərə bilər.
Lent.az bu zərərləri təqdim edir:
Ekran qarşısında vaxt və ürək-damar riski
Min nəfərdən çox iştirakçının daxil olduğu iki genişmiqyaslı uzunmüddətli tədqiqatın məlumatları göstərib ki, hər əlavə ekran saatı hipertoniyanın və insulinə qarşı davamlılığın inkişaf ehtimalını əhəmiyyətli dərəcədə artırır. Gündə 5–6 saat cihazlardan istifadə etdikdə risk 40–60% yüksəlir. Xüsusi təhlükə uzun müddət ekran qarşısında oturma ilə yuxu çatışmazlığının birləşməsində müşahidə olunur. 10 yaşlı uşaqlar və 18 yaşına qədər yeniyetmələr arasında ekran vaxtının ürək-damar sağlamlığına mənfi təsirinin təxminən 12%-i məhz gec yatmaq və yuxu rejiminin pozulması ilə əlaqədar olub.
Erkən biomarkerlər və nəticələr
Bundan əlavə, yeniyetmələrin qanında mütəxəssislərin gələcəkdə ürək-damar xəstəliklərinin erkən göstəricisi kimi qiymətləndirdiyi xüsusi bir “metabolik iz” aşkarlanıb. Tədqiqatçılar vurğulayırlar ki, uşaqlarda erkən yaşlardan sağlam vərdişlərin formalaşdırılması vacibdir. Ekran qarşısında vaxtın məhdudlaşdırılması və düzgün yuxu rejiminin saxlanılması gələcəkdə ürək problemlərinin qarşısını almaq üçün etibarlı profilaktika ola bilər.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
