İnsanın avtomobil sürmə tərzi onun şəxsiyyətini əks etdirən güzgüdür. Siqnal vermə sürətindən tutmuş tıxacda reaksiyaya qədər hər detal insanın səbr səviyyəsi, impulsivlik dərəcəsi, empatiya qabiliyyəti və emosiyalara nəzarət bacarığı haqqında məlumat verir.
Lent.az xəbər verir ki, bu barədə psixoloq, terapevt Melzer danışıb.
Psixoloq bildirir ki, davamlı olaraq başqalarını ötüb keçməyə çalışan sürücülər adətən tələskən, nəticələri düşünməyən və eqoist olurlar. Bu insanlar üçün gözləmək çətindir və daim birinci olmaq ehtiyacı hiss edirlər.
Axına qoşulma tərziniz xarakterinizə işarə edir
Başqa avtomobillərə yol verməyənlər çox vaxt özünü üstün görür. Əksinə, həmişə hər kəsi buraxanlar həddən artıq ehtiyatlı və ya başqalarını razı salmağa meyilli ola bilər. Melzer bu iki modelin “dominantlıq” və “özünü qurban vermə” kimi iki zidd istiqaməti təmsil etdiyini bildirir.
Tıxacla davranış — stressə nəzarətin göstəricisi
Tıxac zamanı sakitcə musiqi və ya podkast dinləyənlər, yəqin ki, emosiyalarına yaxşı nəzarət edir. Sükan arxasında qışqırmaq, siqnala basmaq və əsəbi reaksiya göstərmək isə aşağı frustrasiya tolerantlığından xəbər verir.
Yol aqressiyası — emosional vəziyyətin aynasıdır
Aqressiv sürücülük yalnız qayda pozuntusu deyil, daxili emosional gərginlik göstəricisidir. Amerika Psixologiya Assosiasiyasının məlumatına görə, ən çox aqressiya gənc kişilər arasında müşahidə olunur, lakin yüksək stres şəraitində bu davranış hər kəsdə ortaya çıxa bilər.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
