Astrologiyada doğum xəritəsi anadan olduğunuz anda göy cismlərinin yerləşməsi əsasında hazırlanan və həyatımızın əsas istiqamətlərini şərh etdiyinə inanılan cədvəldir. Bu xəritənin evlilik yaşı, evlənəcəyimiz insanın xüsusiyyətləri və münasibətlərdəki dönüş nöqtələri kimi mövzular haqqında ipucları verdiyi iddia olunur.
Evlənəcəyiniz yaşı necə müəyyən edilir?
Lent.az xəbər verir ki, astroloji təfsirlərə görə, bu, planetlərlə müəyyən olunur.
Venera sevgi və münasibətləri, Mars ehtiras və emosional enerjini, Saturn isə evlilik üçün yetkinlik və zamanlamanı təmsil edir.
Saturn xəritədə güclü və uyğun yerləşibsə, erkən evlilik ehtimalı artır. Çətin aspektlər və gərgin yerləşimlər isə daha gec evliliyə və ehtiyatlı yanaşmaya işarə edə bilər.
Cütlük seçimi və bürclər
Doğum xəritəsindəki bürclər və planetlərin yerləşməsi, insanın hansı xarakterdə partnyora meyilli olduğunu göstərə bilər. Məsələn, qoç tipli biri daha lider ruhlu və cəsarətli partnyerlərə, xərçəng xüsusiyyətli biri isə emosional və qoruyucu xarakterli tərəfdaşa yönələ bilər.
Bəzi astroloji yanaşmalar keçmiş həyat təcrübələrinin bu həyatdakı evlilik üzərində təsir göstərə biləcəyini iddia edir. Xəritədə xüsusi planet kombinasiyaları, “karmik əlaqə” kimi şərh olunur və bu bağların evlilik taleyini formalaşdıra biləcəyi söylənir.
Zamanlama və tranzitlər
Evlilik qərarı yalnız doğum xəritəsi ilə deyil, planetlərin zamanla hərəkəti (tranzitlər) ilə də əlaqələndirilir. Uranus tranziti ani qərarlara, Yüpiter tranziti isə münasibətlərdə uğurlu başlanğıclara səbəb ola bilər. Retrograd dövrlərdə isə evlilik qərarlarının daha ehtiyatla verilməsi tövsiyə olunur.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
