Türkiyədə qız qaçırma davası 3 nəfərin ölümü ilə nəticələnib.
Lent.az yerli mediaya istinadla bildirir ki, hadisə İstanbulun Sancaqtəpə qəsəbəsində baş verib.
Qız qaçırma məsələsinə görə iki tərəf danışmaq üçün küçədə görüşüb. Söhbət zamanı 45 yaşlı Mahir G. tapança ilə qarşı tərəfə atəş açıb. Nəticədə 3 nəfər yaralanıb.
Hadisə yerinə gələn həkimlər hər üç yaralının öldüyünü müəyyən ediblər.
Mahir G. dərhal polis tərəfindən saxlanılaraq, həbs olunub.