“Xiaomi” bu həftə 16 yeni cihaz buraxacaq – İlin ən böyük təqdimatı

Oktyabrın 29-da “Xiaomi” yeni məhsullarının təqdimatını keçirəcək.

Lent.az xəbər verir ki, şirkətin təsisçisi Lei Jun tədbir zamanı 16 yeni cihazın elan ediləcəyini və satışa çıxarılacağını bildirib.

Bildirilir ki, artıq elan edilmiş cihazlara əlavə olaraq, şirkət yüksək səviyyəli elektrik skuterləri, ağıllı qapı kilidləri, Wi-Fi 7 marşrutlaşdırıcıları və daha çoxunu təqdim edəcək .

Əsas məhsullar arasında: flaqman “Xiaomi 15” smartfonları, “Pad 7” planşetləri, “Watch S4” ağıllı saatları, “Smart Band 9 Pro” fitnes qolbağı və HyperOS qabığının ikinci versiyası var.

Mətbuat konfransı oktyabrın 29-da Kiyev vaxtı ilə saat 13:00-da baş tutacaq. Təxminən üç saat davam edəcək.

“Xiaomi” qurucusu həmçinin bildirib ki, yeni “Xiaomi 15” flaqmanları sələflərindən daha bahalı olacaq. Çünki ilkin konfiqurasiyada təzə 3nm prosessor və 12 giqabayt operativ yaddaş da daxil olmaqla bütün aspektlərdə böyük təkmilləşdirmələr aparılıb.