Almaniyanın Dünya Əhalisi Dərnəyi dünya əhalisi ilə bağlı son məlumat və ehtimalları açıqlayıb.
Lent.az Türkiyə mətbuatına istinadən xəbər verir ki, məlumata görə, 2023-cü ildə dünya əhalisinin sayı 8 milyardı ötəcək.
Koronavirus pandemiyası müddətində orta və aşağı gəlirli ölkələrdə əhalinin daha da artacağı proqnozlaşdırılır.
Birləşmiş Millətlər Təşkilatı dünya əhalisinin hər il 1,09 faiz artdığını bildirir. Koronavirus pandemiyası dövründə bu göstəricinin 1 faizdən aşağı düşəcəyi gözlənilirdi. Lakin orta və aşağı gəlirli ölkələrdə əhalinin sayının gözlənildiyindən daha çox artacağı proqnozlaşdırılır.
BMT məlumatlarında dünya üzrə hər qadına 2,4 uşaq düşdüyü bildirilir. 1960-cı illərdə bu göstərici hər qadına 5 uşaq olub.
Dünyada ən çox əhali Asiya qitəsində yaşayır. Amerika ikinci, Avropa isə 3-cü sıradadır.
Bu proqnozlara görə, 2050-ci ildə dünya əhalisinin sayı 9 milyard 7 milyon, 2100-cü ildə isə 11 milyard 100 milyon olacaq.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
